الخيال
انا فارس انا خيال
وركوب الخيل متعتي
وغاوي وبحب الجمال
و فك الشفرة لعبتي
يامدلع خطوتك بدلال
سوق الحلاوة مليان
صاحب الخيل خيال
وف شد اللجام فنان
اعرف انقي الفرسة
واعرف ازاي ارقصها
والفرسة تبقي فرسة
لماتعرف تحننها وتروقها
خيال ومش اي خيال
وكتير فاكرين انها مهنة
لا ياصاحبي لا يا خال
شوق الفرسة ليك حرفة
اتعلم مني ازاي تتعامل
والست زي الفرسة تحب
اللي يداعبها واللي يجامل
وساعتها تمتلك القلب
بينادوني بشيخ الخيالين
لقب عزة وفخر وشهامة
والست والفرسة دايبين
في الخيال سيد الرجالة
بسيوني صديق
