بيت الأدباء والشعراء

رباعيات الأحزان (( الحزن ساكن )) ( للحزن في قلبي مكان )

محمد عطية محمد.

رباعيات الأحزان (( الحزن ساكن ))
( للحزن في قلبي مكان )

لمي كان الحزن ساكن

في القلوب المؤمنة

والظلام أسود وداكن

والليالي معتمة

والسنين خنجر في روحي

والأيام بتزيد جروحي

والحياه كان موجها عالي

سرقه منا كل غالي

والعيون في دموعها غارقه

حسرة مرة ونارها حارقه

والكلام زي السكات

جو فينا الحلم مات

والخطاوي ضايعة تايهة

بين حكاوي الأمنيات

والشعور أحساس بيأس

ماشيه بينا الدنيا عكس

والحقيقة بألف وش

لوع وكدب مدهون بخش

كل حاجه مزيفة

بالخداع متعلقة

في المرايا وشوشنا زايفة

تهنا فينا عيونا خايفة

والملامح متغيرة

والأماني متحيرة

خوف رامينا لدنيا تانية

نار بتحرق كل ثانية

قلبي تاه وسط الحياه

حزن جرحه بألف آه

يا حبيبي قلبي مات

والكلام زي السكات

غصب عني بعيش حياتي

مش بإيدي تزيد آهاتي

كلمات الصدق
فارس الليل الحزين
محمد عطية محمد
10/9/2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: