بيت الأدباء والشعراء

وصايا الخال 10

نبيل عبد الحليم.

وصايا الخال 10
الغدا ياخال
ياخال مش مركز ليه الإعلام عملك ايه
بتبكى ياخال
ببكى يابنتى ع اللي جرى
جرى ايه ياخال
ايه ياترى
حياة تمت مسخرة
عوض علينا يا ربنا
فلسطين تكافح من سنين
أطفال حجارة سهرانين
أنجاس لبيت رب العباد ملطخين
والكل يابنتى كادبين
للحقيقة مزورين
وايه العمل
لبنان تحترق
ومين السبب
امور وفاقت العجب
والحقيقة مفبركين
سوريا الجريحة
أطفال تبات ع الحدود
ودمع سايل ع الخدود
وفينها يابنتى الردود
وللحقيقة مزورين
اااه يا يمن
دفعتى التمن
غدر وخيانة مدمرة
بعد الزها تمت ربوعك مقبرة
وغير اليمن
ليبيا فيها ايه يؤتمن
سبب الدمار إبن البلد
ودا حال كل العرب
والخيبة فى اللي بيدمروا
جوا الوطن وبيخربوا
هما اصلا ولاد العرب
مدعي علينا بالتفرقة
بإيدينا
لفينا حبل المشنقة
فى كل ربوع المنطقة
دول الربيع
مات الربيع
وتمت سيول متدفقة
ويا حرارة مولعة
وعووود كتير مزعمة
عايشة على صوت السلاح
مات الصلاح
والفجر لاح
لكنه لاح بالنواح
وللحقيقة مزورين
ااااااه يا عراق
فين الزعيم
فين النعيم
كلمة اقولها فى الصميم
الإتحاد فيه مقدرة
الفرقة دى زى سلاح
تطلع زخيرتة من ورى
تقتل صاحبها وتزيد فى إصرار العدا
أهدى ياخال
أمسح دموعك
ربك عنده المنال
عربنا نسوا مسك الختام
رب العباد فى كتابة قال
بسم الله الرحمن الرحيم
.واعتصموا بحبل الله جميعا ولا تفرقوا.
صدق الله العظيم
أهدى ياخال
ع ادبحلك جوزين حمام
وبعدين يحلا الكلام
الله عليكى
ونعم الكلام
بعد الحمام
نبيل عبد الحليم
8/9/2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: