بيت الأدباء والشعراء

وصايا الخال 9.

نبيل عبد الحليم.

(وصايا الخال ٩)
أخرتها ايه ياخال
كلام كتير إنقال
يتوزن بميزان
وضاع على الفاضى
إسمعينى يابنتى
هيا كدا
أيامها سدى
على طول المدى
ما حد نال الرضا
دنيا وسكتها زحمة
منزوعة منها الرحمة
وجوه كتير إسودت
وسوادها زى الفحمة
من ظلم العباد للعباد
فى الضلال جهاد
ظلم وإستبداد
الضعيف يموت
مهما علا الصوت
مين يسمع نداه
ناس كتير عايشين
مدفونين ف الطين
متلفعين بالهم
وللمرار شاربين
وفيها ناس رايقين
ع الأمر مغلوبين
للغير مأجورين
لابسين اللجام
ومشدود الحزام
مخروس اللسان
قول الحقيقة باطل
عيشة حرام فى حرام
خايف يصبح عاطل
وتضيع منه المناصب
وكل همه الراتب
ميهمهوش مظاليم
هنا أقف ياخال
أسوى غدا العيال
زوجى قليل الحيلة
السب هو الوسيلة
ويبقى فيها طلاق
نكمل بكرة ياخال
نبيل عبد الحليم
٧/٩/٢٠٢٠

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: