بيت الأدباء والشعراء

بقلم نبيل عبد الحليم

كفاك كتابه ياقلم

(كفاك كتابة ياقلم )/
كفاك كتابة ياقلم
مليت السطور أوجاع
كل حياتنا ألم
والحظ ماكان منطاع
كبير وصغير حلم
بحياة مافيها صراع
والهم رافع علم
وصيتة مابينا زاع
ما حد منه سلم
يتوسد معاه زراع
طفى شموع الأمل
وحجب كل شعاع
بحر الهموم إتملى
ومركبة بشراع
لو نفسك تصارع الموج
فى لحظة تكون فى القاع
عايشين فى غابة وحوش
وكل ملوكها جياع
همة يعيش مبسوط
لو كل اللى فيها ضاع
على اللى منة يدوس
وفى لحظة لأهلة باع
يحصد فى خير غيره
وترك الرعية جياع
بيت العدالة مات
ما زاع علية مزياع
كفاك كتابة ياقلم
مليت السطور أوجاع
وٱنعي علينا قوام
حتى الشرف إنباع
على مين يكون اللوم
أصل الندالة طباع
فى الدم تجرى الخساسة
وفوق الوجوة قناع
تلاقى الكلام برتالة
وللخداع صناع
عن الحقيقة يزوغ
وتلاقي له أتباع
صدقوا جدودى اللى قالوا
حتى التراب ما يملى عين طماع

بقلم نبيل عبد الحليم
٣١/٨/٢٠٢٠

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: