بيت الأدباء والشعراء

انا جيتلك

بقلم مصطفي دسوقي

#أنا_جيتلك
أنا جيتلك أنا جيتلك
وكل ما فيا مشتاقلك
وحشتيني أنا جيتلك
وبترجاكِ سامحيني
أنا جيتلك نلم الشمل
من تاني ف وافقيني
أنا أسف
أنا أسف عشان عارف
بإني قسيت عليكِ كتير
لكن جيتلك وأنا ندمان
وأمام الدنيا دي بحالها
أنا غلطان وبتأسف
وجاي عشمان
في وجه الله
وجاي عشمان
أنا في طيبتك
نلم الشمل من تاني
وحق ما بينا سامحيني
عشان خاطري تسامحيني
وكفايه فراق
كفايه فراق ده أنا مليت
‏ما حسيتش
بقيمة الجنة وياكِ
إلا ونار الفرقه بتكويني
أنا غلطان ومفيش إنسان
يا ناس معصوم من الأخطاء
لكن جيتلك وأنا ندمان
وبترجاكِ سامحيني
بتبان في لقاك طيب جداً
فوق المسكين
لكن جواك علشان عرفاك
أسود م الطين
إنسان ثعبان
جلدك ألوان ناعم جداً
لكن ثمك
يقتل ملايين
وهبتك حب
ماكنتش ليله هتحسه
ووهبتك قلب
ماكنتش يوم هتحلم بيه
بتجرح ليه
بتجرح ليه وتهجرني
وتبعد عني وتسيبني
وتظلمني وتتمادي
بتبنيلي في أمال زايفه
وبتخوني قصاد عيني
وبعمل نفسي مش شايفه
وأصبر نفسي معلشي
أكيد هو مايقصدش
ده هو حبيبي ونصيبي
وهو أماني وحمايتي
وتملي معاك بكون خايفه
ورغم ده كله بتغاضي
ورغم ده كله بتغاضي
وبقول عادي
أكيد بكره هيتغير
الليله عمرها قصير
وبكره هيجي ويقولي
يا شمس منوره حياتي
يا ساكنه فؤادي ووريدي
اللي يحب بيسامح
إنسي الماضي
وإمبارح وسامحيني
ولازم إن أنا أسامح
وترجع تاني بتجارح
وبتزود في تعذيبي
كل كلامك كدب في كدب
وأنا صدقت وقلت هحب
وقلت الحب أكيد
هيغير طبع القلب
وأتاري الطبع
ده فيك غلاب
إنسان كداب
إنسان كداب
ولا ليك في الكدب
أنا شفت مثيييل
أستاذ تمثيل
أدي دوره ع المسرح
بكل نفاق
وجي في أخر المشهد
يقول مشتاق
(((.. مصطفى دسوقي ..)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: