بيت الأدباء والشعراء

خالتي بامبه

السلام عليكم ورحمة الله وبركاته
♥️ الحلقة الثانية من حكايات خالتي بامبة
=============

السلام عليكم ورحمة الله وبركاته
الحلقة الثانية من [حكايات خالتي بامبه]
ازيكم يا أحبابي وحشتوني كتير كل سنه وانتم طيبين وبخير يارب العالمين
النهاردة بعد الفطار صليت وقلت اروح ازور جارتي ست شوشو واقعد معاها شويه
اخدت معايا طبق مسليات فضلت خيركم شوية لوز وبندق وكاچو ولب وسوداني علشان اولادها يفرحوا ولزوم التسلية وكدا يعني زي ماحنا متعودين
خبطت على بابها وفتحتلي ورحبت بيا اجمل ترحيب واولادها حبايب قلبي فرحوا بيا اوي ودخلت قاعدت معاهم بس لقيت حاجة غريبة اوي
العيال شايلين في ايديهم حاجات غريبة اوي وبتطلع اصوات اغرب واغرب
بسألهم ايه اللي معاكم ده يا حبايبي
قالوا قال ايه فوانيس رمضان
فوانيس اشكلها غريبة اوي اللي على شكل قطه واللي على شكل عربية وبيغني اغاني اجنبية وعربية بس كلها دوشه كدا وماتفهمش هي بتقول ايه
بقيت استغرب واستعجب واديرت وسألت ست شوشو جارتي وقلت لها ايه دا ياست شوشو هي دي الفوانيس قالت اه فوانيس جديدة بتاعة ٢٠١٩
قلت في عقل بالي الله يرحم ايام الفوانيس الجميلة بتاعة زمان اللي كنا بنولعها بشمعة وكنا فرحنين بيها اوي وكلها الوان وشكلها يفرح القلب الحزين ونخرج نلعب بيها في الحارة ونغني ونقول وحوي ياوحوي إياحا
واما اطورت شوية بقت هي اللي تغني وحوي يا وحوي وهي محتفظة بشكلها الجميل اللي احنا متعودين عليه وبنفرح به اوي والفوانيس دي متعلقه كدا عند البياعين ومزينه الشوارع وبتخلينا نشعر فعلا اننا في الشهر الفضيل ده
ليه نغير في التراث العربي وندخل عليه حاجات من الغرب وخلينا الغزو تدخل حتى في موروثاتنا وتقاليدنا وعاداتنا وشعبيتنا البسيطه الجميلة
واولادنا يتعودوا عليها وينسوا تاريخنا وتراثنا الجميل.
……. ياعيني عليـــا……
والى اللقاء في حلقة جديده من حكايات خالتي بامبه
#بقلم_حنان_محمدعبدالعزيز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: