بيت الأدباء والشعراء

يا واد انت مش قدى

احمد شكرى

اغنية بعنوان
( يا واد انت مش ادي)

ابعد يا واد. انت مش ادي
نظرة مني. ضحكة مني
لا تفوت. ولا تعدي
كلام كتير مش عايزة
روح لحالك انت لسة
في الحب وقتك بدري
**********************
رمش عيني قتل عشاق كتير
وقمر ليلي سهر ليله طويل
تروح فين انت يا مسكين
انت لسه مش أد التحدي
ابعد يا واد انت مش ادي
**********************
يا واد الحب بحر موجه عالي
غرقت فيه فرسان سهرو ليالي
لا انت قيس ولا انت عنتر ولا
انت شهريار الليالي
وأنت لسة صغير يا ولدي
ابعد بأه منتاش ادي
***********************
يا واد شوفلك حب علي ادك
محدش قلك الحب مقاسات
وأنت لسة ابن امبارح
والهوى عدي عليك وسابك وفات
مالك روق وهدي. انا مش قصدي
انا بس بنصحك
ابعد منتاش ادي
**************************
يا واد د انا عروس الهوي والغرام
والعشاق عاملين عليا يا عنيا
هيصة وزحام
وانت يا حبيبي لسة يدوب بياع كلام
وانا مش فاضيه اخد وأدي
ابعد بأه منتاش ادي
****************************
بيقولوا عليا مفترية
وساعات يقولوا شرنية
وانا في الحقيقة غلبانة
ووحدانية
بس أحب اختار وانقي
وانت يا حبيبي منتاش ادي
ابعد يا واد منتاش ادي
****************************
احمد شكري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: