بيت الأدباء والشعراء
هتفرق. يعني
هتفرق يعنى
يوم ما تقولى نتعرف
ونتكلم ونتسامر
وف المعنى هتحرف
تقولى انا معجب
وكأنى من سنين عارفك
رسمتك صوره جوايا
بكلمها وانا شايفك
ونعيش ف قصه الأرواح
على شاشه بدون أحساس
لا نظره تريح الننى
ولا خوف من عيون الناس
……
طيب .. … تعرف ايه عنى
غير السن وغير الصوره
تعرف ايه عن طبعى اكمنى
بضحك ديما مش مكسوره
تعرف ايه عن بيتى وعيلتى
مش يمكن نكديه ومغروره
او يمكن عندى بيت وولاد
و بتكسر برواز الصوره
نفس القصه قيسها عليك
بكرا تضيع ما فى اديك
لما الدمعه تبقى ف عينها
وأنت عينيك ف عينيها مكسوره
قبل ما تجرح غيرك
راجع نفسك
لان الجرح الأكبر
يمكن يبقى ف بيتك
…….
……
مجرد فكره
عصام حسن
