Uncategorized

#القسمه_واليناصيب

‏(((.. مصطفى دسوقي ..)))

القسمه واليناصيب
شئ مش غريب
إن الأحبه رغم كل
الحب بينهم يبعدوا
وشيء مش غريب
إن بعض العاشقين
بغض النظر عن حُبهم
يُستعبدوا
وشيء مش غريب
إن فيه بعض الأحبه
زي الأفاعي كل عام
للجلود بيجددوا
وشيء مش غريب
إن بعض المعشوقين
ع العاشقين يتنمردوا
بترميني في وسط اليم
بترميني في وسط اليم
وتخفيني عن الأنظار
ولو سألوها يوم عني
تقول كان حب ليا وغار
زمان رهنت بحبها
فكسبتهامكسب قمار
زمان رهنت بحبها فكسبتها
ورجعت تاني خسرتها
أصل الحرام لو خش دار
بيجي ب دمار فيهدها
لو مهما كانت في إنتعاش
‏وأنا وربي أكون كداب
‏لو قلت قلبي ما حبهاش
وهبتها أنا أي شئ
‏في الدُنيا بنت بتحلمه
‏ما حرمتهاش
‏حققت ليها المستحيل
‏ورغم ده ما عجبتهاش
‏بنيتها بيت وبالِغت فيه
‏وقلت قصر أنا هسكنه
‏وسكنت فيه أتاريه ده عِش
‏ حاولت إني أرممه ولكنه
‏أيل للسقوط
‏العِش قش ‏فهش بيا
‏بصوره كسرت حبنا
‏العِش قش فهش بيا
‏بصوره جرحت قلبي أنا
وجرح قلبي مايتداواش
ورغم ده ما كرهتهاش
‏لا عيشت حياتي في وجودِك
ولا بعدِك حياتي تتعاش
ومش قادر على بُعدِك
ودمعي في عيني ما بيهداش
وبتظاهر ب إني نسيتِك
وبتناسي ولا بنساش
لكن هنسي
لكن هنسي إني يوم حبيت
وهدوس على قلبي بإديه
وإن قُلت إني يوم حنيت
بمركوبك على راسي
وعِدي يا حلوه يجي ميه(١٠٠)
‏خلاص والله ما عاد فيا
‏خلاص والله ما عاد فيا
‏قوليب يتحمل الأحزان
‏من بره ببان عادي
‏لكن جوايه بقي فاضي
‏لكن راضي بعيشتي وحداني
‏صحيح الوحده قتاله
‏لكن أكرملي ميت مره
‏دي من حبك
‏سلام ليا علي عُمري
‏اللي ضيعته أنا في قربك
‏سلام ليا علي وقتي
‏اللي قضيته ف جحيم عهدك ‏
‏وسلام للشمس اللي هتنور
‏حياتي تاني من بعدك
‏(((.. مصطفى دسوقي ..)))
  • ربما تحتوي الصورة على: ‏‏شخص واحد‏، ‏نص مفاده '‏ما ارقى حروفك وما اروع احساسك سك imikimi.cgm‏'‏‏
    • أعجبني

    • رد
    • 8 س

مقالات ذات صلة

رأي واحد على “#القسمه_واليناصيب”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: