بيت الأدباء والشعراء

من كتاباتي

بقلم هشام عبد الله

من كتاباتى

هشام عبدالله

أغنية

روحى فداك

…………………

وأحكيلك تانى أيه

مستنى منى أيه

دى النظرة من عينية

مليانه بالشوق إليك

وفى صوتى نبرة سارحه

مشغوله بيك ورايحه

بس أنت حبيبى دائما

ناسى أنك ليك دقة بقلبى

وخدانى ليك وعاشقه

والحيرة اللى فى عيونك

ملهاش ما بنا مطرح

وأحكيلك تانى أيه

مستنى منى أيه

……………

حيران حبيبتى وخايف

يكون قلبك ليا مش شايف

وحبك يكون مش حقيقه

وقلبى يتعلق بيكى أكتر ويفرح

ويدور عليكى تروحى وتسبيه

دى قلبى على الوجع مش هيقدر

وبعينيكى تكونى ليا جارحه

وبأيدك أنتى تتعبيه

………….

طب وأحكيلك تانى أيه

مستنى منى أيه

………

طب لما تشوفى عينيه

يا حبى ونور عينية

بتحسى أنتى بأيه

……………

بحس أنك فى عينيه

بالكون واللى فيه

وقلبى حبيبى دائما

هو أنت اللى مشغول بيه

وأحكيلك تانى أيه

مستنى منى أيه

……………..

عشقتك ونفسى نكون سوى

يا حبيبى ويكبر ما بينا الهوا

كنت خايف كتير من الهوى

من اللى عاشه بيه وتعب

ومكنش ليه دوا

دا أنا عمرى ما جربتوش

………………

يا حبيبى دا أنا بحبك

خد عينى وشوف بيها

دا قلبى دايب فى حبك

وروحى ليك عاشقه

أنا بحبك وهفضل أصونك

وبروحى روحك أفديها

وأحكيلك تانى أيه

مستنى منى أيه

……………………..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: