بيت الأدباء والشعراء

ناي الحنين

قصيدة بعنوان…… ناي الحنين

على ناى الحنين
بأعزف ملامح قصتى ويا الألم
وف وسط خوف
واقفه الحروف
تلفظ بهمس الشوق
فى أحضان العدم
الصمت غالب ع السنين
والشوق طنين
شاقق طريق المغرمين
عشمان بفرحة تشدنى
ترسم ملامح سكتى
وتنادى حلمى اللى إنهدم

الناى بيصرخ من صمودى
واللحن سامعه كأنه صوتى
سارح بيبدر ف الأمل
والبدر ناقص ما أكتمل
فجر الحقيقة لساه بعيد
وإن عدى يومى كأنه عيد
والجرح كان شئ محتمل
وإيه العمل
لما تضحى بفرحتك
وما تجرحوش
ويأدى دوره ف مسرحك
وما تمنعوش
كأنه حالف حبنا يفضل هاموش
أو زرعه شاخت من سنين
وما تلزموش
كان غايته أيه من حبى ليه
غير منظهره
كل أما أقدم خطوه
كان يرجع ورا
ورضيت بجرحى وكسرتى
وما هدتوش
أيوه أنا ضل السنين
وأنا العيون الدبلانين
واللى أشترتهم ما أشتروش
برده أنا

محمد ثروت

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: