بيت الأدباء والشعراء

اغنية بعنوان (بتحبني ولا لأ

بقلم احمد شكري

اغنية بعنوان
(بتحبني ولا لأ
بتحبني ولا لأ ؟
ما لكيش في السؤال
ده يا حبيبتي حق
سؤال تعبني بجد
الحب مش بالكلام يا عمري
الحب احساس جميل
مش كلام بالبؤء
شوقي ولهفتي في غيابك
وانتظاري الطويل زمان
علي بابك
ودموعي إللي بتنزل تدور عليكي
في فرحي وحزني إللي
هو ليكي وبيكي
وصوتي العالي في سكوتي
بيناديكي
حسي بيا ده مفيش حد زيي حب
ولسة بتساليني بحبك و لأ. ؟
لأ. ملكيش حق
فرحتي بيكي وانت معايا
واحمد ربي حقق لي منايا
واسيب الدنيا
واعيش معاكي في دنيا تانية
وادوب ادوب كل ثانية وثانية
والهوى يخدني
معرفش روحي رايحة ولا جايا
واصحي من حلمي ده علي سؤالك
بتحبني ولا لأ. ؟
لأ وملكيشي حق
أعمل ايه عشان تصدقيني
بعد ما قدت صوابعي العشرة شمع
وبرضو جاية النهارده تساليني
بحبك ولا لأ ؟
هو لازم اقولها
ولازم تسمعيها
مش كفايا من لونها
في قلبي تشوفيها
كفايا في عنيا تقريها
كفايا في سلامي
ايدي لايدك في السر
تحكيها
والله بحبك
بس مش عارف ازاى
اخليكي تصدقيها
احمد شكري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: