بيت الأدباء والشعراء

اوصفيني

بقلم عادل داود

إوصفينى…كلمات…عادل داود….
قُولتلها إوصفينى قالت جميل زى القمر يحلى معاك السهر
طيب.عرفينى.قالت بحر حنيه.نجم عالى فى الكون ظهر
بتحبينى قالت عدد ذرات الرمال.وقد عدد حبات… المطر
بحبك واحب هواك ومستحيل أنساك.انت ليه..كل….القدر
إوصفينى..
قالت حبيبي ملوش مثيل.جميل..رقيق.حنين……وطيب
زى النسيم.فيه أهيم.ومنى ومن قلبى ديما………….قريب
أشوفه افرح والعشق بعيونه يطرح.لأحلامى….مابيخيب
مفهوش غلطة.أمير..مقامه عالى وكبير.ولا……… بيتعيب
إوصفينى.
.
قالت حروف الهجاء.هتخلص..ومش هتجيب ليك.. وصف
لافيك يقدر يقول الكلام.. وتعجز شعرا. ويعجز…… الحرف
أنت بس حاجة تتحس زى الشمس. وأجمل لحن… وعزف
فوق الكلام فوق الهيام. فوق الغرام..رقيق نسمة…. صيف
إوصفينى..
قالت انت حاجه بتسرى فى دمى.. وشعورى….. وشريانى
ساكن الروح ساكن العين.. ساكن إحساسى……. ووجدانى
اسم الله عليك وعلى حوليك.ياشمسى وضلى.وكل كيانى
روحى فيك وقلبى شاريك.وبيك مش عايزة اى شئ تانى
………كلمات….عادل داود….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: