حوار حجر.

حوار حجر…..كلماتى…عادل داود….
كنت يوم ببكى بدمع العين.رد الحجر..قلى…………… مالك
سلامة.عيونك.ناسك وحبايبك فاتوك واتقطعت.كل حبالك
ياأبو قلب طيب.حاسس بيك.ونفسى اى حاجه…أعملهالك
صعبان عليه دمعتك..قولى مالك..ياصاحبى…إيه… جرالك
حوار حجر.
الناس فاهمه إنى حجر.بلا قلب.هكون شمعه….واقيدهالك
شاهد أنا على ظلم الناس ليك.وحقوقك..أنا…….هجيبهالك
متحزنشى ياصاحبى دمعتك غاليه.وصعبان عليه…..حالك
وحياة خالق الكون.ماهسيبك تبكى وفرحتك… هرجعهالك
حوار.حجر..
قولتله انت حجر.قلى.فيها حاجات.متعرفهاش ولا ببالك
أنا رفات ناس طيبين من ملايين السنين.روحها..بخيالك
الارواح عايشه وبتحس.وانا حبيتك.وهحققلك كل أمالك
لقيته كأنه.ملك.بحنيه يحاورنى.ويقول دموعك هبدلهالك
حوار حجر…
فجأة لاقيتنى.فى ونس بدل وحدة.وراح.حزنى من جوايا
وكأن الحبايب قدامى.بيواسونى.وقاعدين..جنبى… ومعايا
وقال صدقتنى أنا مخلوق زيك..أنا حبيبك.خليك…….ويايا
ربك واهب الفرح والنعم.لا كرب وليك.رب.رب……. العطايا
قلتله ونعم بالله.أنا صابر.وشاكر.إتكالى عليه.رضاه….غاية
…….كلماتى…عادل داود….