بيت الأدباء والشعراء

أغنية بعنوان ( مين انا)

احمد شكري

أغنية بعنوان
( مين انا)
مين انا ؟
انا اللي جيت الدنيا من غير معاد
مين انا ؟
انا اللي مشيت مع الايام والسنين بلا مراد
مين انا ؟
انا اللي مستني النهاية وعندي امل زي العباد
ارحميني يا دنيا
وكفايا باءه كفاياعناد
وأسالوا عني يا حبابي
وقربوا مني وكفايا بعاد
د البعد غربة قاسية
علي اللي له قلب وعرف ازاي يحب
لكن ما نالشي المراد
ااااه يا دنيا
عارفة ازاي تمشينا علي كيفك
عارفة ازاي تلعبي بينا بكدبك وزيفك
واحنا مصدقينك يا دنيا
غصب عنا
مش بكيفنا ولا كيفك
ولو كدبناكي
مين يصدقنا
والكل مرعوب من خوفك
مين انا ؟
يا دنيا انا فيكي غريب
يومين معاكي وهرحل عن قريب
كان نفسي اعرفك
كان نفسي افهمك
لكن انت أغرب مخلوق عجيب
يا دنيا
مين انا. ؟
وأسأل مين ؟
ولو جاوبوني برضوا كدابين
ولو صدقوا
قالوا واحد من البني آدمين
مين انا ؟
سؤال ما لوش إجابة ليوم الدين
واللي يعرف الإجابة
هينجح مع الناجحين
مين انا ؟
انا اللي بهدلتني الدنيا
وانا غني وانا فقير
مين انا ؟
انا واحد من الناس التايهين
مين انا ؟
انا اللي حاولت اتحدي الدنيا
قالتلي حاسب د انت اصلك طين
مين انا ؟
سؤال محيرني بالنهار والليل
أنا في حلم ولا علم
ولا خليها على الله
وادينا عايشين
احمد شكري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: