Uncategorized

احساس

بقلم مها ندا

أحساس
=====
أحساسك بالوجع ده رهيب
وعمرك ماتحكى
وكأنك بين حيطان مسجون
لا حد فاهمك
ولا انت لاقى حبيب
تفضفض معاه وتبوح
تحس بوجع جوانى
وما تقدر حتى تقول
ألم بمشاعرك عمال بيعصر فيك
ممكن يكون عادى بسيط
عند ناس وخلق كتير
لكن عندك مختلف
وفرق كبير وبعيد
تمر عليهم الهمسات
ولا احساس ولا تأثير
لكن عندى انا
تقول عندها وتعيد
الهوا اللى بتنفسه عوزاه
روايح نغم وزقزقة عصافير
ولما يبعد عن كده
بسرعة أحس بوجع
وتنزل ستاير ألم
وأبعد عن الكون والدنيا والمخاليق
تقولش ورق سوليفان
ينقطع من رقتة
من لامسة أو حتى بصة عين
مقصودة أو عابرة
دى ممكن كمان تقتلك
وتخلى نهارك ليل
ولأنك مختلف أوى كده
عيش ورا الحواجز
وخلى دنيتك من بعيد لبعيد
تسلم ومتنجرحش كتير
عشان لما تلاقى اللى يفهمك
بيكون من رابع المستحيل
أنه يكون معاك أو ليك
لأن مر الزمن
وأيد تانية خدته
وكل الأيادى أتشبكت
وبقيت وحيد وغريب .

بقلم / مها ندا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: