بيت الأدباء والشعراء

اه يعيني على الغلابة

محمد عناني

آه ياعينى على الغلابه
( بقلمى محمد عنانى )
===========
آه ياخوفى من الديابه
اللى نازلين فى الكتابه
ويا عَزف على الربابه
آه ياعينى على الغلابه
كلام غُنَا وحفلة خطابه
ليل نهار وغرام صبابه
يعزفوا باسم الغلابه
بالوصايه و بالإنابه
تاجروا بدموع الغلابه
كل يوم نفس الرتابه
هى نفس الأسئله
ونفس الاجابه
هما صبحوا الأوليا
وهما الصَحَابه
كرهونا فى الكتابه
حسسونا بالكآبه
كاننا عايشين فى غابه
هما دول نفس الديابه
اللى ياما اتحرشوا دول بالغلابه
ياما مصوا دمهم ولا خافوش
وبالحرام ملوا الكروش
وفى الغلابه استخسروا حتى القروش
وحضروا لهم النعوش
واتفننوا ف رسم النقوش
اشكال كتيره للرتوش
لحزن باين ع الوشوش
حبة دموع متعلقين فوق الرموش
أما الحقيقه إنهم حفنة وحوش
للشر تجرى وكل خير دايما تحوش
وللبنا وللعمار دول مايطيقوش
للخراب ما يفوتوش
الحقد طبع ماينكروش
وللحقيقه ما يقولوش
هما دول نفس الديابه
اللى تاجروا بالغلابه
=============
( محمـد عنانى )

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: