بيت الأدباء والشعراء

علموهم

عَلِموهم ….

==============

إزرعوا فى ولادكوا حب الخير

فهموهم هوا إيه معنى الضمير

علموهم يعطفوا على الفقير

كونوا قدوه باحترامكم للكبير

والمعاملة بكل حب للصغير

احترامنا لرأى غيرنا شئ يسير

مهم جدا ف الحياه وكمان خطير

والتواضع عمره يوم ماكان حقير

والتسامح أصل ف الأديان وليه تشير

وضحوا لهم تبقى إيه قيمة المحبه

لما تصبح شىء أساسى ف المعامله

لما تسكن فى القلوب بزياده حبه

تلقى كل الخلق عايشه نفوسها راضيه

زى ما يكونوا خلاص إخوه وأحبه

علموهم يَعنى إيه حسن الجوار

والمعامله بالموده مش نِعلى ف الجدار

وانه مهما يكون خلافنا ليه معالجه بالحوار

مش شطاره تكون حياتنا جمر نار

مستحيل نقدر نعيش كره ودمار

عرفوهم بالأمل نقدر نعيش

طول ما فيه جوانا حب ما ينتهيش

وان فعل الخير فى يوم ما يتنسيش

هذبوا ألفاظكوا واختاروا الكلام

ارفعوا اديكم ما بينكم بالسلام

وابعدوا عن كل أسباب الخصام

والتناحر والتعالى والغرور ولا الملام

عرفوهم ان بعد الدنيا آخره وفيه حساب

ع اللى كان من كلامنا وفعلنا كله ف كتاب

=======================

( محمـد عنانى )

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: