بيت الأدباء والشعراء

ألف باء شعر/محمود العزب

بقلم محمود العزب

hmoud Elazab‎‏
ألف باء
شعر/محمود العزب
11/6/2020
ألف باء يعنى أب
اللى انا شايله جوه القلب
واللى شايل له كل الحب
علشان بان لى ونعم الأب
ومخلفنى ومعرفنى
ومفهمنى ومحفظنى
إن افضل على طول على دينى
ومخلينى ياحبة عينى
مفتح عينى ومقوينى
ومربينى وصان تكوينى
وخلانى أحب محبينى
واكره من قلبى عدوينى
وعمرى ماعبر أيها كلب
وافرح لما أكون متنجر
واما الاقينى ف غيرى بافكر
وابقى صريح على قد ماأقدر
وقال لى ياروحى اتحدى الصعب
ولاعمرى أبان مره جبان
ولاأسمح لى أعيش متهان
ويكون قلبى كله حنان
ع العايشين ملانين بالغلب
وعلمنى إن اسبق سنى
ولااخاف من إنسى ولاجنى
واعرف إيه المطلوب منى
وأحققه ببراعه وحب
ولا أتنيل يوم على عينى
ولادمى يفور من شرايينى
ولااجيب الحق على سنينى
وابقى جميل علشان اتحب.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: