ماتصدقوش

قصيدة بعنوان…….. ما تصدقوش

لو سماعوكوا ١٠٠ بيان
إن الوطن عمره ماهان
وأن اللى جاى أمن وأمان
وأنسوا اللى عدى واللى كان
ما تصدقوش

وأن قالوا ليكوا إحنا البديل
ومعنا ١٠٠ مليون دليل
وأن اللى خان هيعيش ذليل
وأن الشباب حتما يشيل
ماتصدقوش

وأن أظهروا مليون فساد
وأن مثلوا دور الوداد
أو حددوا ليكوا الميعاد
علشان تهدوا ف البلاد
ما تصدقوش

ما أحنا اللى كنا زمان وحوش
ومشينا ورا حبة كروش
فغدرتوا بينا وماصنتوش
ونادينا ليكوا ما أسمعتوش
عايزينا نبكى وما تبكوش
عايزينا نحلم ب الفنكوش
أنسوا خلاص كل الوشوش
وبثوره تانى ما تحلموش
وأن قالوا ليكوا إحنا السند
وأن أحنا هنعادى البلد
ماتصدقوش

جيشنا العظيم صان البلد
طول عمره كان لينا السند
حافظ كيانه ل الأبد
والحسبه مش حسبة عدد
ف الشدة ب يكبر مدد
نفديها ب الروح والولد
وأن قالوا ليكوا جيش هدد
جوه البلاد تاه وإنجلد

ما تصدقوش

كلمات الشاعر محمد ثروت عبد الحفيظ