بلاش نقول الانا

=== بلاش نقول الآنا ====
قصيده من فئه الشعر الغنائي
قصيده للشاعر // على عبد الرازق صالح احمد
المعصــره —– الفتح —— اسيوط
===================
بلاش نقول كلمه انا
وانا اقول اني انا
ونعيش انا وانت فى قوله انا
فين حبنا
فين قلبنا
فين اللي كان بيني وبينك من سنه
فين لما قُلت هنعيش انا وانتِ فـ هنا
وفين لما غنيت دندنه ، دندنه ، دندنه
ونسيت جروحك كلها
وفاضل معايا جرحي انا
وشويه من بعض الآماني والمُنا
ليه وليه ، وليه نبدد حلمنا
ليه وليه ، ليه نهد عزمنا
ليه وليه ، ليه نهدم عشنا
بعد ما علينا البُنا
ضيعت كل حلمنا
وجاي تقول ايه ذنبنا ايه ذنبنا
ذنبي وذنبك لما قُلت انا
وانا كمان قُلت انا
بلاش تقول كلمه انا بلاش تقول
اكيد هيبعد عننا اي عزول
ونعيش انا وانت هنا
ونسيب قلوبنا لربنا
من غير انا ، من غير انا
================
بقلمي // على عبد الرازق صالح احمد