بيت الأدباء والشعراء

كارونا بقلم احمد شكري

اغاني راب بعنوان
( كارونا )
في غمضة عين الشوارع بقت من الناس فاضية
في غمضة عين العالم بيصرخ ويقول يا نجدة
يا عالم الكنايس قفلت ببانها والمساجد فاضية
يا رب حيات حبيبك محمد متكنشي دي الضربة
القاضية
*************************************
الكل مستخبي ويقول يا ربي انا توبت عشر توبات
هو كده ابن ادم ميعرفشي ربه الا في الازمات
والفسح بقت في البيوت من اوضة النوم للبلكونات
فين شطارتك فين كدبك يا بن ادم يا ابو الافتراءات
*********************************
فيروس مخفي يخلص ع الكبير والصغير في غمضة عين
صواريخكم فين قنابلكم فين يا بشر ولا علي بعض بس شاطرين
مين فيكم القوي ومين الضعيف والكل مستخبي م الموت خايفين
حكمة من عندك يا رب تزل امريكا وتزل اسرائيل
والكبار المفتريين
***********************************
الشوارع فاضية من الخلق الا من الحيوانات
فينك يا بن ادم و فين اللي كانوا يقولوا احنا فتوات
حتت فيروس حقير يخليكوا تبكوا في البيوت زي البنات
والله يا امريكا لتشوفي الموت الف مرة وتشربيه كاسات كاسات
************************************
يا رب ايه الحكمة من قفل ابواب المساجد
فينا كتير عاصي وفينا كتير برضو صالح عابد
يا رب ملناش غيرك وباب رحمتك واسع
افتح لنا ابواب الكنايس وابواب المساجد
يا رب يا رب يارب
احمد شكري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: