بيت الأدباء والشعراء
أشباه رجال
( أشباه رجال )
قلابه ألدنيا لما تدور
وتخلي السبع يتذل
وبنفسه العزيزه يروح
للي ما يسوا ويتوسل
واللي مش راجل ياناس
علي السبع يتمرجل
وقليل الأصل اهو مرتاح
والسبع ليه بيتبهدل
واللي ما يتلقي
في وقت الضيق
دين عليه بيتسجل
وفي ناس أشباه رجال
تمشي معاه عدل يعوج
ماهو مش كل راجل بيتماشا
دقت منهم مرار الكره
وانا بحكي لهم على جرحي
خليهم يدوسوني
ما ياما الناس خزلوني
متستغربش
لو يوم خانوك أو لاموك
أو سبو في حقك
أو ظلموك
وأنا اللي طول عمري
بشيل ذنوب الناس
مش ذنبي
متهتمش خلاص بيهم
في وشك ضحك ونعومه
وفي دهرك سب وحجاره
وقلوبهم بالسم مكاره
ولما يشبع خلاص منك
يقلب بنفسه المكاره
وعلي أصله يبان
أبو رامي الاسواني
١٩/٩/٢٠١٩
