(أحكى يازمان )
أحكى يازمان من الأول
قول القديم وعمنول
قول الحقيقة ما تحول
سامعك وودانى صنتالك
أحكى عن اخويا وعيالة
وقول عن ابنى واحوالة
واية الجار مع جارة
سك لية بيبان دارة
أحكى وودانى سمعالك
الواد مش بار
الأخ وغار
الجار بقى نار
الهجر وصال
البعد اعمار
الغدر وطال
حريم أشرار
عاملين كبار
فاشيين أسرار
أحكى وودانى صنتالك
ركبنا الهم
كلامهم سم
حرقوا الدم
الكل بيذم
للحقد تشم
والحق انصم
والجهل يعم
عيشة نغم
اية اللي غير أحوالك
احاكيك يازمان من الأول
كان ابويا غفير
فى بيتة وزير
ما فيش تكسير
كلامة يسير
على الراكب وع الماشى
جارلنا اية
الكل فى تية
بعدنا لية
عن الحق وعن دينا
رد الزمان وهاجانى
اسمع يافكية لكلامى
أيامى هيا أيامى
أفعالهم طين
كلامهم شين
جاهلين للدين
حياة تفانين
للحال واقفين
أصول فاسدين
على مين لايمين
عايبين والتهمة لبسانى
شكرا يازمان كلامك
صحى اوهامى
بقلمى نبيل عبد الحليم
12/5/2020
