( لحظات العشق ) بقلمى الشاعر/ محمد غبن

( لحظات العشق )
بقلمى الشاعر/ محمد غبن
شاعر آل غبن
10/5/2020
ليه لحظات العشق
متحكم فيها خوف
ليه الدنيا مبتعرفش
معانا كسوف
مصممه تعاند مع
إننا عليها مجرد ضيوف
و نفوسنا متحمله صبر
وعايشه بمعروف
ليه متبقيش
معانا ع الحياد
بتقتلى فينا عزمنا
وبتحرضينا ع العناد
إحنا متعودين منك كدا
من ساعة ماكنا ولاد
حتى اللى عشنا معاهم
من زمن ماتوا وسابونا
توهنا بعدهم ومفيش
وقتها ياحبايب ألحقونا
غيابكم خلي الدنيا بتهد
فينا و بتعاند
سبتونا وإحنا عود
أخضر مهواش جامد
من وقت الفراق
بنحاول نتغلب عليها
لدرجة ممكن تخلينا
نبوس إيديها ورجليها
مش كفايه لما جينا نعشق
الخوف كإنه مكتوب علينا
قولنا ساعتها نعافر جايز
يبقي مدد وحافز لينا
طلع العزاء قاصر بعد أما راح
عشقنا خوف هوا وليالينا