Uncategorized
خاطره في حفل تكريم حضرة سيادة المدير Hanaa Alaaeldeen
خاطره في حفل تكريم
حضرة سيادة المدير
وزملائي مدرسي النشاط
المدرسى
النهار ده بقول للناس
المدير طلع معاش
هو و الأخوة الزملاء
أساتذة حصص النشاط
وانا بتمنى لهم حياة
كلها سعادة وأفراح
يعيشوهابعد المعاش
النهارده بقول للناس
المدير ارتاح خلاص
هو والأخوة الزملاء
أساتذة حصص النشاط
من كل طالب مسجل
اسمه في أكثر من نشاط
وناسي أدواته يا ناس
المدير ارتاح خلاص
من دوشة حصص النشاط
ومن صوت الاستاذ عصام
العالي يوم الإشراف
المدير ارتاح خلاص
من توزيع حصص احتياط
والوقفة في طابور الصباح
والتشطيب علي الابلاوات
المدير ارتاح خلاص
من لجان المتابعات
اللي خلت المرتب
أصبح عنده انيميا ياناس
ربنا يكفينا شر كل تقرير
فيه خصومات
لان المرتبات
عاملة رجيم قاسي يا ناس
وثبتت وزنها خلاص
وعايشه عيشة الكفاف
طول الشهر مع الناس
المدير ارتاح خلاص
من كل مدرس بيقول
انا فى الجدول مش مرتاح
والأستاذ حاتم بيقول
مش عامل جداول خلاص
نادوا المتيم يا ناس
عشان يفصل للناس
جداول علي المقاس
المدير ارتاح خلاص
من كل طالب مشاغب
بيكسر لنا الأثاث
وبيعاكس التلميذات
ومحير الابلة نادية
هي والأبلة ايناس
في البحث عن علاج
نفسي لكل الحالات
المدير ارتاح خلاص
من مشاكل الغياب
وابلة عزيزه و سناء
طالعين نازلين بالغياب
وخايفين الموقع يقفل
قبل تسجيل الغياب
المدير طلع معاش
وحيفضل طول النهار
قاعد مع ام العيال
ويقول لها فاكرة زمان
لما كنت بتعملي لنا
كل يوم حلةللمحشي
ومعها شوية كباب
ولما اخلص علي المحشي
واخلص علي الكباب
اقول لك ياام العيال
اعملي لنا حلة كمان
اصل انا عامل رجيم
و نفسي مسدودة كمان
قولي للدكتور يكتب لي
فاتح للشهية و شوية فيتامين كمان
عشان اعرف أكل علي راحتي زي زمان
واقول لكل الناس المدير طلع معاش
لكن لسه شباب يا ناس
ومدرسة الشهيد الطوخي
أحسن مدرسة في شباس
المدير طلع معاش
والحفل انتهي خلاص
وأنا أسفه لكل الناس
لو كنت جرحت احساس
البعض بكلمة مزاح
قلتها في كلماتي يا ناس
