بيت الأدباء والشعراء

جرح حبيبي عابر سبيل

جرح حبيبي
عابر سبيل
جرى لك ايه يا عين
هو انت هتبكي بجد ؟؟؟؟؟
دانت عمرك يا عين
ما بكيتي ف يوم على حد
يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه
أيام بتجري وبتعدي
وزمان دوار ولا بيهدي
وحبيبي فايتني هنا لوحدي
ولا عارف إن أنا عاشقاه
يا حنينه يا عين إبكي عليه
يا خوفي يانا م الجرح اللي فيا
دا ياما الأحزان لعبت بيا
ولا لاقيه دوا ولا حنيه
يا رُوْحي رُوُحي لغرامي
قوليله فين هو هيامي
عيشني حياتي ف أوهامي
وفايتني بأمل إني القاه
يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه
فايتني عايشه بأحزاني
ولا ليه حبيب غيرك تاني
ياللي انت جارحني بحرماني
يا قلبي ، طاب ليه تهواه ؟
يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه
الحزن يا عالم بقى موالي
أنام وأقوم كده على حالي
جراح وآلام وفرهالي
خلاني عاشقه لقولة آه
يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه
روح يا شيخ منك لله
حبيتك وهواك كان عمري
أدعي عليك تعيش الآه
وتشرب منها المرار زيٌي
يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه
عابر سبيل

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: