بيت الأدباء والشعراء

المرتشي

نبيل عبد الحليم.

( المرتشى )
اوعى ياخويا الربا
يالى فى الحكومه شغال
اوعى تغريك سلطتك
تبقى راجل أعمال
مهما تكون قوتك
ابعد عن البطال
وشيل هموم اسرتك
تعيشها ليه فى حرام
قول ياكريم نظرتك
عيالك لسه صغار
اوعى تنخدع بالرضا
وتكون سعيد فى الدار
قبلك كام مرتشى
ماله فار وغار
عايش مش مختشى
عامل فيها منشار
دا انت خسيس مرتشى
ذنوبك ماليه أنهار
ملعون ابو لقمتك
تطفحها صديد فى النار
اقولك ايه غلطتك
فكرك من الشطار
ما عرفت يوم قصتك
تعزفها يوم اوتار
انك نفر مرتشى
ما خدمت يوم الجار
انت عارف علتك
ان الطمع ماليك
وعشان انك مرتشى
ماحاجه ماليه عنيك
خليك على غفلتك
رب العباد يجازيك
الكل عينه عليك
فى الطالعه و الجايه
يتغامزوا ساعتها عليك
يلدغ كيف الحيه
وانت ياعينى عليك
ساعه الحساب جايه
بقلمى
نبيل عبد الحليم
2/4/2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: