Uncategorized

سألوا البنات عن شكل خطيبي بقلم هند الشيخ

سألوا البنات عن شكل خطيبي
قُلت قمحاوي و بعيون عسلية
طويل و رفيع بختي و نصيبي
لابس سديري ، عمة و طاقية
و عنده غيط قريب من غيطنا
و بيقول عنـي حلوة و شقية
بيقولـــي إمته تبقــي ف داري
قلتله أمـك مش راضية عليه
طبعا بتغير مانا أصلي وحيدها
مش عــايزة ليها شريكة فِيِّـهْ
طــب و العمـــل ما ترد عليَّـــــا
باخدلك دار ف الناحية القبلية
أزرع لك فيها فل و ياسمين
و أفرشها حرير ألوانة بهيــــة
أروح الغيط و ارجع ألاقيكي
جهزتــــي الأكـــل و مـستنيـة
ونجيب عيال حلوين ف جمالك
تلات ولاد حلـــــوين و صبية
سامحوني يا بنات طولت عليكم
ماهو أصل كلامه مليان حنية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *