فوانيس

قصيدة : ( فوانيس ) .. من المدرسة التناغمية الحديثة
______________________________

أنا معتكف داخل تلافيف القلوب ..
روضت عصياني ..!!
يمكن أدوب رهبه وخشوع ..
سابح في شرياني..
يصلي الدم في عروقي ..ويتهجد ..
فعوم عكس الأذين ..دوره ..
وأعشش في البطين .. دوره ..
وأتعبد .. ما بين العصر .. والمغرب ..
وفتش عن سنا ايماني ..!
فيبان طريقي من خلال ضي السبح الكهرمان..
يا زمان بطعم ( المستكة والحبهان ) الشهرعطر ذكرياتي بالايمان..
ورسم لنا فوانيس بتسرج سكتي..
ودا لما كانت جدتي بتحكي حكايات ..
وتقول ( رمضان كريم يا ولاد )..
هزوا في هلاله .. تسابيح .. وذكر الله وجلاله ..
وبلاد بتتزين عشانه ..
الشهر طيب زيكم ..
قرب يودعنا في سكات ..
صحرنا هو بطبلته بوداع جديد ..
وعملها كالعام اللي فات..
بكانا من صعب الفراق ..!
وبجملة الأشواق ..
منساش يطبطب ع الجروح .
ويطيب الوجع الأليم ..
منساش يطبطب ع اليتيم ..
رمضان يا خلق الله كريم ..
جاه من سكات..
وخلاص بودعكم في سكات..
يا دموع بتسبق في الدموع ..!
عاوز أعترف ان الحياه من غير ايمان .. من غير خشوع –
زي الجسد لحظه ممات منزوعه منه ألف روح ..!!
_____________________________
أشعار.. د. سيد غيث ..