بيت الأدباء والشعراء

ابكي والدموع يصرخ

أبكي والدمع يصرخ فى عيوني
دي هدية كل عام
أهل الشر يئلموني
فى شهر الخير والسلام
بدم بارد يقتلوني
عيوني على بلدي مابتنام
أحمي أبويا وأخويا وابني
————–
كل عام بتهادونا
ومن الخلف تقتلونا
فاكرين انكم ترهبونا
تبقوا نسيتوا اللي ربونا
أبطال بيدربونا
رووا بدمهم أرض سينا
قالوا بكرة تحصلونا
كل عام فى رمضان
ييجي أرهابي جبان
متخفي كما الجرزان
بتمنى مرة يواجهونا
هيشوفوا أبطال شجعان
طالبين لبلادهم الأمان
وقلوبهم مليانه إيمان
حلفين ياخدوا بتارك ياسينا
كلاب وعايشين فى الجحور
بين الشجر والجسور
بين البشر ماله دور
كاره الجيش والعبور
كاره لمصر السرور
ساكن جوه عقله محصور
مش عارفين ليه بيقتلونا
أفرحي ياأم الشهيد
أبنك لابس توب جديد
كل لحظه عنده عيد
شايف الخيرات عناقيد
دمه طاهر فى الوريد
ربي وعدك ياشهيد
روحك تتلقفها ألف أيد
والملايكة عليك شهود
والجنه سكنك أكيد
هنتظركم كل عام
تيجوا برده وتقتلونا
شوفوا هتقتلوا منا كام
عمركم ماهترهبونا
(((أسامه جديانه)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: