بغير عليك

… بغير عليك…. (غنائية)
=====ت====
… طبعا بغير عليك…
من نسمة الهوى
اللي تهفهف حواليك
… بغير عليك….
من كلمة اعجاب
كتبتها بإديك
من بنت ماشي جنبها
وجات عنيها في عنيك
…. بغير عليك…
عايزه احطك جوه عيني
واتكحل عليك
عايزه امشي جنبك
وايدي في اديك
واقول للدنيا كلها
انك حبيبي واني
… جدا بغير عليك…
من حنية قلبك عليا
وانك رجعت ليا
وسامحتني وقولت لي
اني عمري ما اهون عليك
…. بغير عليك….
عارفه اني غاليه عندك
وانك بتحبني وانا كمان
بحبك وبدوب من نظرة
عنيك
وطول بعادك
رسمت صورتك على كفي
اعاتب فيها وخايفه
منها اما نتقابل
تحكيلك على عذابي
وسهري الليالي
اشوف صورتك في القمر
واشتكيله وأناجيك
…. بغير عليك…
قد بحر الشوق
ونجوم السما اللي فوق
وحبات الرمال
والحصى وعلو الجبال
باشتاقك وبغير عليك
وعارفه انك نصيبي
وانك مخلوق ليا
وانا مخلوقه ف الدنيا ليك
#بقلم_حنان_محمدعبدالعزيز