اللمه عندها بالضيعه بستان

اللمه
عندها بالضيعه بستان
حوض سباحه جواتو
عالشجره شلحت فستان
نزلت تسبح بمياتو
ورد الجوري صابو جنان
عخدودا فتح زهراتو
قرنفل فتح بالالوان
تايزين شعرها بورداتو
غنت بصوتها الرنان
الشباب عصوتا فاتوا
شعلت قلوب ..الشبان
وقلبن زادت نبضاتو
موسيقى وصالة الحان
صارت تعزف جواتو
حلو السهر ب نيسان
تحت السما ونجماتو
والقمر معنا سهران
معنا بتحلى سهراتو
مع الاحباب و الخلان
و الشباب و صرعاتو
وحطواالكاس بالالوان
الفحم احمرت جمراتو
بالشوي معلم فنان
والسلطه شغل دياتو
و بالتبوله يا اخوان
الواحد بينسى حياتو
الفواكه دوى السكران
بلكي تفقس سكراتو
يرجع عبيته دوخان
عاملي حالو نعسان
مستحي من رفقاتو
بقلمي
الشاعر
سعيد الحكيم