بقيت بتقن فنون الضحك والإعجاب
بقيت بأعرف أتشحتف
وأقول دا خراب
واصب الدمع من عيني في كف الوقت
وأقول صدقت
وأجاري الكل والموقف
وأقول واحلف
بــ إنى تمــــام
وأهضم وجبتين أحلام في ساعة حظ
وأحجب روحي وأتشرنق
گ دودة قز
واميل و أهتز
على صوت الوجع فيا
واقابل روحي بالصدفه في وسط الزحمه انكرها
وأحلف
إنى مش هى
وإن الخِلقه اه واحده
ويخلق م الشبه 100
و إن برائة النيه
گفيله تورطك فى خصام
وأي خلاف بيكون عابر
ممكن يتقلب لصدام
وان الكل بيتنازل
ندهت
وقالى مش نازل
بقيت علي روحي بترازل
فجددنا الأجل بفصام
ودا اللى ليلاتى بيجمعنا
نزق لبعض أوجاعنا
و نتجادل على معنى
ونتلكك
دا ليه
وبكام
#عفويات
عادل________عوف
#فصام
