بيت الأدباء والشعراء

(يرضيك يارب

خواطر بعنوان : (يرضيك يارب
يارب ان كان يرضيك .. فوضنا الامر اليك ..
احوالنا ماخافيه عليك .. بننام ونقوم نناجيك ..
فيروس كورونا ده وباء .. حرب و نقمه وبلاء ..
خلى العالم فى عناء .. اغلق كل الاجواء. .
ولافى فرحه لانسان .. وخلاء فى كل مكان .
. ولافى موائد رحمن .. والناس ماشيه فى توهان
. وبندعى كل اذان .. قاصدين واحد منان
كلنا علم وايمان . تعود ايامنا امان
.. حتى قراءة القران .. مبقتشى زى زمان .
.. ولافى مصلحه مقضيه .. ولاهدمه كمان مكويه .
دوامه صراع وقسيه. وعيون محتاجه رويه
. بنام ونقوم بكلور . والعيشه بقت بالدور ..
ولافى طعم لرمضان .. ولافى تغيير لمكان .
. واخرنا فى البلكون .. نغسل ايدينا بصابون ..
نشرب شوربه وليمون .. وكمامه فوقيها تليفون ..
وعيون وناقصها جفون . بقى كل حياتنا شجون ..
كوبايه شاى مع كيك .. والوقت كله بريك
ناكل ونام ونقوم ..ونشاطنا بقى معدوم
نسهر والصبح ننام . وزهقنا م الايام ..
وغلاءاسعاروكلام . .ولافى حاجه لقدام .
الغد صبح احلام .. والحلم صار اوهام
العالم بقى محروم .. والواقع مش هيدوم ..
ويانغطس ولانعوم .. يانغنى ع المقسوم ..
صلى فى الدار ده امان . بدون زحمه وخيام
كله تعبان زعلان .. والخنقه على الغلبان..
لافى رحله ولامصيف ً. ولالبس شتاءاوصيف ..
وبنمشى جنب رصيف . ولاحد معه تصريف..
بنمر جنب الحاجه .. والحظر قلب بمجاعه .
وناس تحسبها فى ساعه .اطول ازمه وبشاعه
يارب افرجها علينا .. وتعود الفرحه الينا
نخرج وحياتنا تدور . والكلمه تبقى سطور
وبعد العسر يسر. وبعد الضلمه نور
بقلم محمد عباس معلم الاسماعيليه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: