بيت الأدباء والشعراء
إن كنت ادي
اغنية بعنوان
( ان كنت ادي )
ان كنت ادي
ادخل معايا في تحدي
وبلاش تاخد وتدي
كتير في الكلام
وخلينا شوية جد. تقدر
*****************************
تقدر تخطفني
علي حصان ابيض
بعيد عن الناس
برة البلد
وتبنيلي قصر مرمر
يحرسه جن احمر
ميعرفشي طريقه حد. تقدر
*****************************
او تخدني فوق
عند القمر
نعيش ونحب
ونغني للليل وللسهر
وندعي للقدر
ما يرجعناش تاني
الارض. . تقدر
************************* ******
او تخدني في مركب
لجزيرة وسط بحر
موجه يعدل ويقلب
وانت البحار اللي
ما يغلبه. حد. تقدر
****************************
او تخدني علي
بساط الريح
لمكان هادي مريح
هواه يداوي قلب جريح
ما يعرفشي غير الحب. تقدر
****************************
تقدر يا شاطر
بحياتك تخاطر
وتقبل التحدي
وتقدر تعبر بحوري
وللشط التاني تعدي
ولو قدرت هتلاقيني
بشوقي وحنيني
اخدك في حضني. يا روح القلب
****************************
احمد شكري
