الشاعر حسن محمد خليل
القصر المهجور
ةةةةةةةةةةة
لف يا قلبى و دور
فى قصرك المهجور
عايش وحيد بين حيطانه
بنبضك المكــسور
ابكى يا عين و نــوحى
على اللى كانت روحى
و دوا قلبي و جروحى
وكانت بدر البدور
اللى كان طريقها طريقى
حب برئ حقـيــقـى
وبتزيد نارى وشوقى
وبتخلى الظلمة نور
اللى كانت قمر ليلها
وشمس الدنيا وقنديلها
استحالة يييجى بديلها
وبينى وبين اى واحدة سور
ذكراكى فى كل مكان
فى كل ركن من الأركان
صورتك جوة قلبي
وعلى الحيطان
كنتى مخليانى عايش مسرور
من بعدك انا عايش غريب
مليش غيرك فى قلبى حبيب
عيونى بتبكى شمسى بتغيب
عايش بقلب مبتور
المهندس
حسن محمد خليل
