بيت الأدباء والشعراء
طيور الظلام
طيور الظلام
نفسى اقول
كلمة للى عمرة ضاع
هدر
وبقى مسخة
فى وسط الخلق
وخلى حياتة
وحياة اهلة
كدر
علشان سمع
كلام اصحاب السوء
والاخر الكل بية
غدر
ياللى ادمنت
ومن البودرة شميت
اول شدة من اصحاب
السوء ببلاش
ادوك
التانية لا
واخدوا عمرك ومالك
وخربوا بيتك
وفى الوهم
عيشوك
قالوا لك هتبقى
فحل
طلعت دكر
نحل
وفى صحتك
لعبوا عليك
وضيعوك
بعد ماكنت
مع اهل بيتك راجل
ومعلم
راحت صحنك والسلم
مش قادر تطلعة
ولاحتى قادر
تسلم
واصبحت عينك
مكسورة فى بيتك
ومش قادر تنطق
ولاتتكلم
و انت ياللى
ادمنت حبوب
الهلوسة
وغبت عن الوعى
واتحرشت بمحارمك
واتبدل حالك
من راجل محترم
لطفل لسة فى
مدرسة
زنا المحارم.. لا
محرم فى كل
شرع ودين
ياللى عايز ضرب
المكنسة
زين لك شيطانك
طريق الحرام
ومهد لك
طريق الضلال
ارجع لربك وعقلك
وامشى فى طريق الحلال
وسيبك من
العبط والهبل
والدروشة
واللى ضيع عمرة
واولادة
وفرط فى عرضة
واحفادة
وباع الكل واشترى
مزاجة
وفى النهاية
كان الخراب
وعدة والضياع
بابة
والهم لابعد عنة
ولاسابة شفت اللى
جرالك
بعت هدومك وهدوم
عيالك
علشان كيفك
جالك المرض
والقلق لاهل بيتك
واولادك
لانافع فيك علاج
ولا نصيحة
ولا مصحة نافعة
ولا قلعدتك فى البيت
مريحة
وماسبتش لاهلك
غير الزعل والنكد
والفضيحة
لو اتقدم
لبنتك او لاختك عريس
وعرف انك
مدمن وفاشل
وحشاش
ياترى اية
ذنبها
لما تكسر
قلبها
وبسببك يضيع
عمرها
اوعى يابنى
السموم دية
تقرب منها
حتى لو كانت
ببلاش
ليا رجاء ياريت
يتحقق
لاتطلع رخصة ولا شهادة
الا بعد فحص
بول ودم
وتحليل فية العين
بتدقق
وبكدة نخلص على
طيور الظلام
وافعالهم اللى زعلت الكل
وبتزهق
ضربات استباقية
من رجال
صقور بواسل
فى جهاز شرطة
مصرية
مع رجال جيش
كلهم اقدام وتضحية
ووطنية
علشان تفضل مصر حرة
وابية
وعصية على الشر واهلة
فى كل الدنيا
دية
بقلمى
محمد يونس
