” أهو عدى ”
محمدمحمدعويس
🔴🔴🔴
و اهو عدى وقاللي كلام ..
و سألني ها تدفع كام ؟
و انا ااقولك ع الاسرار
من غير ولا اي علام ..
🔴🔴🔴
الصين عملت فيروس
امريكا عليها فلوس
على كل الدنيا تدوس
و بتكسب في الافلام
🔴🔴🔴
الدنيا بلاد مقسومة
في نهاية كتير محسومة
و يا إما تقوم لك قومة
يا ها تغرق في الاحلام
🔴🔴🔴
خليك على جنب وحاول
و بلاش بالعمر تزاول
و تعيش للبنا مقاول
و تخللي العيشة حرام
🔴🔴🔴
مع ناس ماشيين بالعكس
و لا عمر ف يوم بتحس
و تقول دا زمان النحس
و يلوموا على الايام
🔴🔴🔴
فيروس طايح بيقش
و الكل قصاده يكش
وكتير م الناس بتغش
و تقول ع الحق سلام
🔴🔴🔴
قفل شبابيكك قفل
على ناس في حياتها تمثل
بتحب تنام و تكسل
و تقولك كله تمام
🔴🔴🔴
” أهو عدى ”
محمدمحمدعويس