Uncategorized

امان يالاللي

(أمان يالاللي)
إسمع مني يا فحل جاموس
كلمة هقولها أنا بالمحسوس
تعمل فيها غشيم وبهيم
تعمل فيها أنك فلحوس
ولا سيادة الجن الأحمر
ركبك لما لقاك مستحمر
هذا يدل إنك ملبوس
وشايف الدنيا دي أحمر × أحمر
كل دا كله ياواد ماياكلش إهدى شوية وبطل ألش
عارف كل بلاوي سيادتك
عايز أقولك ولا ماقولش
إذا كنت فاكرني ان أنا مش كاشفك
ولا ما هارشك تبقى جهول
أنا هارشك منذ ما فرشك
أبو دانتيلا ما كان مبلول
وماما كانت بتغني أمان يالاللي
مع التراللي على الأرغول
بكرة ضنايا البغل هيكبر
يتحول من بغل لغول
أنا هارش إن سيادتك
نفسك تكبر تبقى خليفة
لكن هيهات أضغاث أحلام
ملفوفة يابغل في علبة قطيفة
إخلع بقى جلابيت مولانا
وإلبس لنا بدلة تشريفة
وقبل ماتتنيل على عينك
تدعك في لسانك بالليفة
ياعم الغول سمعني وقول هجس قول إللي مامعقول
ونجيبلك دربوكا وترقص
رقصة وسع دا أنا شملول
خدها نصيحة من الجماهير
ياأحمر من أحمرها حمير
الدبابير إن قرصت دب
تلاقي الدب وقع في البير
إهدى ياقرد مسلسل حبة
إهدى شوية مهياش حابة
حكم عقلك يلا وخد لك
عبرة من الدبابير والدبة
بقلم طارق السيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: