بيت الأدباء والشعراء

عفاف

شاعر الغنائي ابراهيم دعبس

#عفاف
سهم عيونها رشق بالقلب قلت عواف 
ردت سلامي بخجل يا طبعها الخواف 
الكون بحاله وقف و فكري رايح جاي 
 قلتلها انتي الامل قالتلي اسمي عفاف

صحباتها اتغمزوا قالت يا عيب الشوم 
فوتني يادي الجدع ليضربوك بالشوم 
قلتلها قلبي ف خطر و البعد عنك موت 
 مفارقش اموت ب غدي ولا اموت اليوم

قالتلي روح يحرسك وتحيا الفين عام 
عين الألة تحرسك امشي بقي بسلام 
فين السلام ياقمر وعقلي شط خلاص 
 قلبي ف بحرك غرق وانت ال قلبك عام

لو كل يوم انظرك اصبح كما السلطان 
معجبني غير منظرك من وسط انس وجان 
قالتلي امشي بقي دا ابويا طبعه شديد 
قلتلها مش ب يدي. خلينا ساعة  كمان

حدفت قوام منديل قالتلي خود تذكار 
قلتلها ده قنديل و يخلي ليلي نهار 
مشت ونا مامشيت مالقتش رجل حداي 
 ولنفسي حتي نسيت واقف ليالي كتار

عدوا البنات كلها ومستني ليها ظهور 
وقلبي مفتوحلها مفروش باحلي زهور 
يومين تلاتة اربعة وهي فينها عفاف 
قالوا خطبها جدع ظابط وابوه مأمور 
#الشاعر_ابراهيم_دعبس

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: