طرفك ذبح خلق

شئ من ديواني النبطي

طرفك ذبح خلق
…………………..
وش فيك ياراعي الحلا وش فيك
ماروعك نوحي علي ظهر الجريدة
أرحم جريح يوم جاب طاريك
صابه مع الهوجاس أوجاع شديدة

في هجعة الليل وناته تناديك
ماغمض أجفانه ولا حتي دقيقة
من سهده شوقك دوم محتريك
تربط مع شخصه علاقات وطيدة

دوم مع ( القمراء ) أشعاره تناجيك
وده تردد له أبيات القصيدة
إنت ساهيا عنه وهو سارح فيك
وشبك مع الأشواق أشواقك زهيدة

إنت ؟
بديع حيل محد يجاريك
مير يافتان أطباعك عنيدة
إنت ؟
جعلت الخلق مهبولة فيك
من طرفك النعسان وقامتك المديدة

من غربله حسنك وده يلاقيك
لكن ديار الريم عن دراه بعيدة
ياناهب الخفاق خفف مطاويك
رمشك ذبح خلق وسهامك سديدة

عازف
الشوق