وطني مهما تبعد

وطنى مهما تبعد عنه
والكل ينشغل بهمه
وسط أرض عايشين فيها غصب عنا
يجي الليل علينا وسط وحدة مرة
نعيش فى أحلام الغربة
بكل لحظة عشناها بوطن جوا قلوبنا
أيام حلوة ساعة العصاري
ويا كل الأحبة
على كل سكة مشينا فيها
وسط زرع وجسر نرعة
بأشجارها وهى بتتمايل علينا
تضلل ونسمة جاية تهدي كل اللى فينا
بعد يوم عمل وجهد لرفعة وطنا
لا فى يوم قلنا ليه وكام
داخل جيوبنا
المهم تفضل رايتنا تضلل علينا
زى كل أشجارجذورها عارفة حكايتنا
زرعها فلاح بعرق جبينه
تنسد جسر ترعة بلدنا
مع إنه كان عارف مش هياكل من طرحها
وياما تعب قوى علشان يكبرها
بس النهاردة شوفنا ضلتها
وطرح غالي يسند قلوبنا
هو ذاهد فى وطنه
وورث كل ولاد العيلة فى قلوبهم
حب وطن مهما قست الأيام عليهم
وغربة عن كل الحبايب وأرض بتعشقهم
وهنا ولادهم فى كل حتة فيها
حارسين كل حبة رملة عليها
حتى لو شافوا أيام صعبة عليهم
مايهزفيهم شعرة على روسهم
زى الجبال هم إيه ياخد.ريح منهم
………..بقلمى حسام غنيم