صباح جميل

صباح جمييييل

شعر/محمود العزب
25/1/2013

صباح الفُل ع الثـوره يامصريين
وكُل الدُنيا شايفاها صباحها جميل
وقِلَّهْ قَليلهْ كارهاهـا وعارفينهُـم
جميع من سَرقوا أونَهبوا تَعَب ملايين
صباح واضِح معالمُه بجَد
ومش عايز كلام من حَـد
وجايـب سعـدِنـا لينـا
ولالُـهْ زَى ولالُـهْ قَـد
صباح الخيـر على وِشُّه
وبمحـى الفقر ويهِشُّـه
وحَـقَّـق كُـل أمانينـا
ولايسيـب فيه دمـوع على خَـد
صباح نادى وبينـادى على بلادى
وجاى بالخير بإذن الله وبالتساهيل
وفيه قِوَّه بِتُؤمُر كُل حُكامنا وتِجبِرهُم
يجيبوا حَقِّنـا التايهْ من الخاينيـن.