بيت الأدباء والشعراء

دموع. حارة

دموع حارة

يعدّي الوقت ع الحارة
ف ايدهُ سيجارة بتدخن
فيتحركن على الأيام
ويرمي كلام ف وسط كلام
تطل الشمس م الشباك
فيتدارى القمر ورا باب
تلاتة صحاب على القهوة بيشربوا شاي
وناي مكفوف بيتنهد
كإن الصبر بيعدد على الشفة
قلق على خوف
وجاي الرزق مش مكشوف بيتخفّى
عيون عارفة..
مرام القصد والنيّة
يمر الوقت مستعجل
ويطرح ع السرير كلية
وكام ملطوش
وشوش سخرة بتتصفّى
ف دمع وشوش
وبنت بنوت..
خطاوي تفوت على القهوة
تكعبلها..
رموش مدّت ف طرف الخيط
فتقطع خيط وتوصل خيط
جدار الحيط..
بينزف م الألم دمعة
وست الحاجة مش سامعة
« يا حاجة الحبل بينخّر ف عضمي سنين »
عيال ماشيين..
ف قلب الشارع الضيّق
صحيح اطفال لكن شياطين
يمر الوقت ويزوّق هدومهم طين
يعود الحبل وينقّط
وترجع بنت تتكعبل
وع القهوة تشوف اتنين
بيشربوا شاي
وعين عارفة…مرام القصد والنية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: