بيت الأدباء والشعراء

كان نفسي ابقي حمار

(( كان نفسى ابقى حمار ))

********************

ميل جبل الهم بتاعك على كتفى يا عبتواب

أنا صحبك من طين الأرض

ما احناش نبت ظاكته وكاب

احنا قسمنا القلم الواحد فى الكتاب

عملوك يومها انت العنوان

على جلد كتاب

تسحبنا الرِجْلين

نقعد على جسر فى آخر غيط

مالك ياسى عبتواب

***

ولا حاجه يا صاحبى

***

ياجدع باين فى عنيك

الفرحه مخصماها

والحزن كساها

والدمع ملاها

والهم مخيم على راسك

يتنهد ويقول دا صحيح

***

والله الدنيا يا صاحبى

ما عاد لها طعم

لا سَنَد فى الدنيا

إلا كاسات المُر وشيل الهم

وكلام تسمعه من أقرب ناس

يحرق فى القلب الدم

لا شقيق ولا أب

ولا حاسس حتى بدعوة أُم

دا المرض ان زارنى ياصاحبى

صدقنى ما عاد يتلم

عارف مشكلتى يا صاحبى

مشكلتى إننى صاحب قلب

وقلبى كمان مليان بالحب

مشكلتى اننى انسان

كان نفسى ابقى حمار

أعمل شُغل حمير الدنيا

واتنيل على أى طواله

فى أيُها دِوّار

ولا اشوفش المكتوب

فى عيون الناس

اللى انا شغال عندها خدام

***

فيصل بدر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: