بيت الأدباء والشعراء

كلامك نصفه عتاب

ونيس مدلع

بقلم يوسف ونيس مجلع — ايطاليا بريشيا

اصدقائى الاحباء كلمة بالعاميه بعنوان — كلامك نصفه عتاب —

كلامك نصفه عتاب ————- والنصف الثانى لوم

هجرانك ما له اسباب ———— من كلمة قيامة تقوم

ظالمنى وقلبى ما تاب ——— يصبرنى و هو مظلوم

سرحان فى سحر سراب ——— فرحان وانا مغموم

ايه سره ماعندي جواب —— كان امتى الغرام مفهوم

————————————————————-

ليه لقاء الاغراب ————— و غرامنا قدر محتوم

هواك على جبينى كتاب —— هوايا فى عينيك مرسوم

ياحبيبى يا كل الاحباب ——- يانصيبى الحلو المقسوم

لا الحب كله عذاب ————— ولا فى جفاء بيدوم

خلى يوم للعتاب ——————- ونعيم الصفاء يوم

————————————————————–

عامل لعوازلنا حساب ———- خايف يجيبوا لنا اللوم

هيقولوا فقدنا الصواب ——– و جنون غرامنا محموم

و لو قالوا طيش شباب ———— هنقول ياريته يدوم

و ان قالوا العقل غاب ————- عن العقل هنصوم

العقل كان ايه جاب —————- غير فكر و هموم

————————————————————–

ياحبيبى الغرام غلاب ———— و مين منه معصوم

لا حنينى فى ليل داب ——– ولا عشمى بات مهزوم

و لا املى قمره غاب ———– حتى فى ليالى الغيوم

تجينى و تدق الباب ———- الاقيك بوردى المحروم

تنسينى مر العذاب ————- وانسيك العتاب واللوم

————————————————————–

نكسب فى اشواقنا ثواب ———- و لهيبها يذوق النوم

تاخذنى فوق السحاب ——– تغازلنى فى ضى النجوم

تعوضنى عن الغياب ————- عمرين عن كل يوم

واغالطك فى الحساب ——— واحبك يومين فى اليوم

و ان سبتك رمشة اهداب ——- ابقى اعتب عليا و لوم

بقلمى يوسف ونيس مجلع — مصر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق