بيت الأدباء والشعراء

بعد خروجه على المعاش

أسامة جديانة.

بعد خروجه على المعاش
قال لسه فى سنين تنعاش
ظبط نفسه ولبس الكاجوال
مش هتضيع سنيني بلاش
واما اسنانه وقعت قدامه
لعن الدنيا اللي ماتسواش
ركب طقم وحنتف نفسه
وقال مش هستنى القشاش
وشعره اللي شاب صبغه
وحلق شنبه شباب غشاش
مشى مع شباب مش من سنه
نفسه يعيش سنين قلاش
شاف الشابه اللى اصغر منه
رسم نفسه ياواش ياواش
ماشي كأنه فى العشرين
فىيعاكس بنات الناس
راح البار يشرب كاسين
عمره ماكان فى حياته هلاس
قاعد حواليه الحلوين
وكل شوية يطلب كاس
ونسي ناسه الطيبين
اللي كانوا فى حياته أساس
بعد جريه يدوب شهرين
نقلوه على الإنعاش
ضيع هيبة السنين
نفس دنيئة وقرين غشاش
ضحكوا عليه شباب العشرين
وعاش حياته بين قطن وشاش
(((أسامه جديانه)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق