((لية )) بقلم سماح خضر

((لية ))
لية ياحزن مش ناسينى
والوجع دايما كاسينى
لونت بسوادك سنينى
والدمع الغالى مالى عينى
يمامة بريئة طايرة
بريش اخضر جميل
بدور على السعادة
توهت ومالهاش سبيل
فين الطريق دلونى
ومع مين هلاقى دليل
البكا اصبح دائي
واهرب من حالى فين
بشرب مرار زمنى
وكاس المر تقيل
حتى احبابي ظلموني
وليسة معاهم برد جميل
لامتى الصبر يبقى عنوانى
شبابي عنوانة الويل
امتى الفرح يحن ويميل
هو الحظ مفيهوش تبديل!!
بقلم
سماح خضر